KALIBO, Aklan–Grabe ro paghilinugyaw it nagkaeain-eain nga lahi matapos ro kadaeag-an it Argentina kontra France sa ginhiwat nga final match kadungan it pagtapos it FIFA World Cup 2022 sa Qatar.
Suno kay Bombo International Correspondent Renier Baldomero Geronimo it Doha, Qatar nga dominado it tagasuporta it team Argentina ro crowd bangud maabu ro naga-idolo kay Lionel Messi kung siin eubos ro kalipay it tanan matapos nga magkampeon ro koponan.
Apang, maabu man sigon ro ginkuebaan bangud masyadong hugut ro hampang.
Kumbinsido si Geronimo nga owa it natabo nga dayaan bangud pareho nga nagpakita it impresibong hampang ro Argentina ag France.
Maskin nga makit-an sa itsura ni Kylian Mbappe ro disappointment matapos nga owa nanda nabuoe ro back to back win, nagapati sanda nga haeuga nga ginbaton it France ro andang kapas-eawan.
Samtang, ro mga fans it Argentina hay naghiwat man it parade sa Lusail Boulevar kadungan it fireworks display ag drone show.
