KALIBO, Aklan–Sa pihak it matumal nga bentahan sa pagbaligya it paeopok, nagaeaum gihapon ro vendor nga si Wilson Garneca nga makabawi sanda sa kapital ag may kitaon maskin sangkiri.
Raya hay matapos nga uwa haeos it nagbakae it paeopok halin nga naglatag sanda it andang baligya sa gindisignar kanda nga lugar it lokal nga gobyerno it Kalibo.
Ginpahayag dugang nga haeos tanan nga klase it paeopok hay nagtaas ro presyo rason nga uwa sanda nagaeaum nga doble ro andang pagakitaon makaron nga dag-on kundi sakto eamang nga maibalik ro andang kapital ag makaginansya maskin sangkiri.
Apang sa anang naging eksperyensya sa sueod it pitong dag-on nga pagbaligya maskin nga umagi ro pandemya hay naubos sigon ro andang gin-alsada.
Sa kamatuoran suno kana ko nagtaliwan nga dag-on hay kumita man sanda it kapin sa P20,000 pesos kon sa siin nabawi ro andang ginastos nga nagaabot sa P7,000 pesos sa pagbueo it permit.
Ginaeauman nga pagadagsaon it mga bumaeakae ro andang pwesto sa petsa 31.
