KALIBO, Aklan–Nagapabilin nga maeanghay ro pagbaligya it mga fish vendor sa bahin it Oyo Torong Talipapa apisar nga ginbutang eon sa mas haeuga nga Alert Level Status ro bilog nga probinsya it Aklan.
Suno sa fish vendor nga si Messy, haeos owa gihapon it pagbag-o sa andang kita bangud nagapabilin nga sangkiri ro numero it mga tawo nga nagaguwa.
Kaeabanan sigon nga nagabuhos ro mga bumaeakae kung agahon ukon hapon.
Gin-aku man ni Messy nga may sangkiri nga depresensya ro andang presyuhan it isda kung igakumpara sa ginabaligya sa Kalibo Public Market.
Raya hay bangud nga naga-agsa eamang sanda idtu.
Nagahampang sigon it P15 hasta P20 ro andang ginapatong sa kada kilo it ginabaligya nga isda.
Halimbawa eon kara ro bangus nga may presyong P180 hasta P200.
