KALIBO, Aklan–Excited eon ro tanan sa nagahilapit nga 2022 FIFA World Cup final match nga pagahiwaton sa Lusail Iconic Stadium sa Lusail, Qatar, sa maabot nga Disyembre 18, makabig nga national day it Qatar.
Suno kay Bombo International Correspondent Catalino Balderama Jr. it Qatar nga bilang sambilog nga football enthusiasts hay ginapueawan ag gina-abangan gid nana ro tanan nga hampang partiikular ro magasabak sa final match.
Ginpahayag dugang nga ro 2022 edition it world cup hay makabig nga sambilog sa mga craziest nga world cup bangud sa mga sorpresang hatud it mga hampang.
Posible suno kana nga uman nga magka engkwentru ro Croatia ag france sa finals kapareho it natabu nga world cup 2018 sa Russia.
Samtang, nagaeaum imaw nga magabawi ro powerhouse nga Brazil sa 2026 nga world cup matapos ro masubo nga kapierdihan sa alima it Croatia.
Sa pihak nga parte, ro Qatar sigon makaron hay matsa bukon eon it arab country ag gulping naging football fanatic kun sa siin hay naghaeuga sa mga fans nga nagapatigayon it paka-aga nga selebrasyon.
Suno kana nga bukon it masyadong instrikto makaron ro nasyon sa andang mga patakaran agud nga taw-an it ligwa ro mga bisita nga nagtan-aw it world cup.
