Boracay News——-Indi eun kinahangean pa nga magpresenta it negatibong resuta it RT-PCR test ro mga fully vaccinated nga turista maghalin sa Isla it Panay ag Guimaras nga gustong magbakasyon sa Isla it Boracay.
Ro kinahangean eamang nga ipakita hay ro VaxCertPH .
Nasayuran nga ro Isla it Panay hay ginakaeakipan it Antique, Capiz, Iloilo ag probinsya it Aklan.
Samtang ro mga indibidwal man nga fully vaccinated nga owa it may maipakita nga VaxCertPH ag ro mga magahalin sa guwa it Isla it Panay ag Guimaras hay kinahangean sa gihapon nga magpresente it negatibong resulta it RT-PCR test.
Samtang amat-amat man nga pagahaeugaan it gobyerno probinsiyal ro travel requirements para sa mga gustong magbisita sa Boracay engkasong mag-abot eun sa 70 porsiyento it populasyon sa Isla ro mabakunahan kontra COVID-19.
Sa makarun hay may una pa eamang nga 62 porsiyento it mga residente ro nabakunahan ag 91 porsiyento man sa mga tourism workers sa Isla.
Nasayuran nga ro probinsya it Aklan hay una makarun sa idaeum it General Community Quarantine ukon GCQ.
