Nagpahayag it pagka-alarma ro mga ginikanan it mga estudyante nga nakibuylog para sa andang panawagan nga academic walkout bilang pagpaathag it andang pagbaeabag sa resulta it 2022 elections.
Sa sangka open letter, ginpahayag ni Nikko Buendia nga nagpakilaeang ginikanan it sangka senior high school nga Atenean, ro anang pagkabaeaka angot kara.
Suno kana, ro academic walkout hay naga-engganyo eamang sa mga pamatan-on nga may una nga ma-impluwensyang kaisipan nga bulag nga isueong ro andang kinamatarong.
Nagapati man ro sambilog pang netizen nga posibleng maging paeag sa kabuhi it mga pamatan-on ro pagtambong sa mga academic walkout kapareho it natabo sa Plaza Miranda bombing.
Sa makaron hay owa pa it nagiging komento kampo ni Marcos angot sa ginapatigayun nga academic walkout it mga pamatan-on.
