Kalibo Aklan —– Bukon it malisod ro mag-organisa ag maglunsar it sangka proyekto.
Suno kay Jhon Marlou Salido, sambilog sa mga proponent it Project Kalibo ukon programang Kapit Bisig para sa mga frontliners it Kalibo, tuyo it andang proyekto nga magtao it inspirasyon ag ipakita sa mga Aklanon’s ag Local government Unit (LGU) nga pwedeng maghimo it proyekto ro tanan para makabulig sa gobyerno agud nga masok-ean ro pagkalhit it coronavirus disease ukon COVID-19.
Ginpahayag dugang nga prayoridad it andang programa ro pagtao it ayuda sa mga fronliners bangud sa ginahimo karang sakripisyo para sa mga biktima it COVID-19.
Sa makarun suno pa kana hay nagabatun sanda it bulig pinansyal ag bukas man sanda para sa mga individwal nga gustong makipagbueoligan sa andang programa.
Pwede eamang nga mag-message sa andang facebook page ro gustong magpaabot it bulig.
Samtang ginakalipay man sigon nanda nga maabong mga Aklanon ro nagpaabot it bulig umpisa nga ginlunsar ro nasambitan nga programa.
Sa makarun ro target nandang benipisyaryo hay ro mga RHU Personnel , DRSTMH Personnel , Kalibo Enforcers, Private Hospital Personnels ,MDDRRMO ag mga katapo it Media .
Nasayuran nga raya hay magapadayun hasta nga matapos ro ginapatuman nga Community Quarantine sa bilog nga probinsya it Aklan.
