KALIBO, Aklan—Ginapahauman eon it provincial government ro pagsanay sa mga health workers sa Aklan nga magapanguna sa pagbakuna para sa pagahimuon nga coronavirus disease 2019 ukon COVID-19 immunization drive.
Suno kay Aklan Provincial Administrator Selwyn Ibarreta nga kaeakip sa andang plano hay iga-train anay ro mga vaccinators it Provincial Health Office agud nga sanda man ro magaturo sa mga taga-municipal health office.
Ro provincial government sigon ro magabakae it covid vaccine ag ro mga LGUs ro maga-taeana it vaccination area.
Nauna eon nga nakipagkasugot ro provincial government sa manufacturer it bakuna partikular sa astrazeneca ag national government , kun sa siin nagtaeana it kapin sa P195-million para kara ag sa iba pang supplies ag kagamitan.
Apang may posibilidad suno kay Atty. Ibaretta nga maulihi ro pag abot it supply sa Aklan bangud sa manaba nga kaso it covid 19.
Pila sa mga prayoridad nga bakunahan it libre hay ro mga frontliners, mga magueang ag pigado nga pamilya.
