KALIBO, Aklan–Ginakabig nga blessing in disguise it mga hog raisers sa probinsiya it Aklan ro ginpaguwa nga executive order ni Governor Joen Miraflores nga ginabawae anay ukon total ban sa probinsiya ro pagsueod it mga buhi nga baboy, fresh, frozen ag processed pork products halin sa kaiping nga mga probinsiya.
Raya hay kasunod it kasunod it napabalitang unang suspected case it African Swine Fever ukon ASF sa Oton, Iloilo.
Suno kay Engr. Jun Agravante, presidente it Federation of Livestock, Hog and Poultry Raisers Association nga raya hay mabahoe nga bulig sa mga manugbaboy nga makabawi matapos ro pagnaba it presyo it buhi nga baboy ko nagtaliwan nga mga binuean.
Bangud kara, mapilitan ro mga traders nga magbo-oe it supply it baboy sa probinsiya ag ginaeauman nga magataas ro anang presyo.
Ginduea man nana ro pagkabaeaka it mga backyard ag commercial hog raisers kadungan ro pag engganyo nga mag-alaga pa it baboy bangud sa ginaeauman nga pagtaas it demand eabi eon sa buean it Nobyembre hasta Disyembre.
Kadungan kara, gin abisuhan man nana ro andang mga miyembro nga maging vigilante ag i-report eagi sa mga otoridad engkaso nga may mataeupangdan nga mga sintomas it ASF sa andang mga alagang baboy
