Fully booked eon ro mga hotels and establishment sa banwa it Kalibo sa pag-arangkada it week-long celebration it Kalibo Sr. Sto. Niño Ati-Atihan Festival 2023.
Suno kay Melanie Colombres it C-9 Hotel, ginapanan-aw nanda nga nakabawi it husto ro kaparehas nanda nga negosyo bangud sa pag-aeabutan it mga bisita maghalin sa nagkaeain-eain nga lugar nga kanda temporaryo nagdayon.
Angot kara, nagtaas man ro package rate ag mas maabo ro andang mga walk-in clients kon ikumpara sa mga ordinaryong inadlaw.
Ginpahayag dugang ni Colombres nga masako sanda tanan kon sa siin double duty ro iba kanda para eang maserbisyuhan it maayos ro andang mga kliyente.
Buhing-buhi suno kana ro mga negosyo makaron nga festival.
Madumduman nga haeos daywang dag-on temporaryong napaiway ro pagpatigayon it face to face celebration it Ati-Atihan Festival bangud sa pandemya
