KALIBO, Aklan — Haeos fully booked eon ro mga hotels sa banwa it Kalibo para sa Kalibo Sr. Sto. Niño Ati-Atihan festival nga nakataeana sa Enero 12 hasta 18.
Halimbawa kara ro C-9 hotel, kun sa siin, ginpahayag ni Melanie Banaag Columbres, front desk officer it nasambit nga hotel nga sa kabilugan nanda nga 33 rooms, tatlo eon lang ro nabilin nga puro fan room.
Ginaeauman suno kana nga umpisa makaron nga adlaw it Lunes ukon Martes hay occupied eon ro tanan nanda nga mga rooms kadungan sa pag aeabutan it mga festival goers.
Gindugang pa ni Columbres nga ro andang package rate para sa Ati Atihan nga magiging epektibo sa Enero 15 hasta 18 hay P5,000 para sa 3 days and 3 nights.
Kaeabanan suno kana sa andang reservations hay mga local tourist halin sa Manila ag kaiping nga mga probinsiya sa Western Visayas.
Samtang, maga offer man sanda it free lunch sa andang mga guests sa kaadlawan it kapiestahan sa Enero 18.
