Kapareho it Simbahang Katoliko nga may daywang importanteng selebrasyon ro Paskwa ag Easter Sunday ukon Domingo it Pagkabanhaw, ro mga Muslim hay may daywa man nga importanteng okasyon nga andang gina-celebrate, ro Eid’l Fitr matapos ro andang Ramadan ukon sang buean nga fasting ag ro ikaywa hay ro Eid’l Adha ukon Feast of Sacrifice ukon selebrasyon it sakripisyo.
Ginpaathag ni Sulay Hadjunos, presidente it Muslim community sa Numancia nga ro Eid’l Adha hay pagdumdum sa pag-haead ni Ibrahim sa anang unga nga si Ismael bilang sakripisyo ag senyales it anang katamparan ag pagiging masinueundon kay Allah.
Bangud sa katamparan ni Ibrahim, ginhinyu kana ni Allah nga sangka karnero eon lang ro anang ihaead kabaylo it anang unga. Kaparte suno kana it Eid’l Adha ro wajib ukon morning prayer ag Khutbah ukon sermon.
Raya hay ginasundan it pag-agto nanda sa Mosque ukon iba pang ginapamasyaran nga lugar ag idtu gina-obra ro mga nagakaigo nga ritwal nga may kaangtanan sa selebrasyon it Eid’l Adha.
Ro pagkatay ag pag-eaha it baka, kanding, kamelyo ukon karnero hay kaparte it selebrasyon it Eid’l Adha. Ginataw-an it regalo ro mga pobre .
Ro okasyon hay ginawakasan pinaagi sa Magrid ukon sunset prayer.
