KALIBO, Aklan — Gin umpisahan nga gubaon it mga demolition crews ag kapulisan ro mga iligal nga istraktura sa vegetation area sa front beach sa isla it Boracay.
Suno kay Rowen Aguirre it office of the mayor, kaibahan nanda sa clearing operation si PSInsp. Mark Anthony Gesulga it Boracay Tourist Assistance Center (BTAC) ag iba pang natungdan nga ahensiya it gobyerno.
Gin tig sambilog nga gin demolish ro mga gin tukod nga illegal structures eabi eon ro mga may pwesto nga naga baligya sa kilid it front beach umpisa sa Station 1 hasta sa Station 3 nga sabeag sa gina agihan it mga turista ag mga residente.
Gin pahayag pa ni Aguirre nga sambilog raya sa mga gina kabig nga eyesore sa white beach.
Suportado sigon it mga stakeholders ag mga opisyal it vendors ag iba pang business groups ro nasambitang tikang dahilan nga bukon it naging mabudlay ro andang operasyon nga gina base sa Malay Municipal Ordinances 96-97 ag 2001-131.
