Kalibo Aklan ——–Nagkasugot nga magsettle eon lang ro magtimbang nga parte nga imbolbado sa aksidente nga nag-eontad sa intersection it karsada nga sakop it Brgy. Linabuan Sur, Banga.
Ginkilaea ro driver it motorsiklo nga si Arjie Francisco, 27-anyos it Brgy. Linabuan Norte kon sa siin angkas kara si Jhon Harry Flores, 26-anyos it Brgy. Poblacion, Kalibo.
Samtang, ro driver it dump truck hay ginkilaeang si Arnel Zolina, 39-anyos it Brgy. Andagao, Kalibo.
Sa imbestigasyon it pulisya, pa-Kalibo ro motorsiklo samtang ga-liko paadto it Mataphao ro truck kat gulping nagsunggaban ro nasambit nga mga behikulo.
Ro daywang sakay it motorsiklo hay insigida man nga gindaea sa Aklan Provincial Hospital kon sa siin matapos nga gin-eapatan it medikasyon hay gilayon man nga ginrefer sa outpatient department.
