KALIBO, Aklan – – – Ginabantayan eon ro pag-abot it mga international bodybuilders sa isla it Boracay para sa pagahiwatong leg it Boracay Bodybuilding Championships.
Suno sa organizer nga si Georgen dela Cuesta nga ro mga partisipante hay magahalin sa nagkaeain-eain nga bahin it kalibutan.
Ginaeauman man ro pag-abot it mga personalidad sa bodybuilding kaparehas ni Rowena Walters.
Si Walters hay accredited judge it International Federation of Bodybuilding and Fitness ag presidente it Philippine Committee of Bodybuilding and Fitness (PCBF).
Makaibahan sigon kara ro anang bise presidente nga si Mike Daude.
Igapatigayon ro 15th anniversary it bodybuilding contest sa sangka resort sa Boracay sa maabot nga Disyembre 16.
Nasayuran nga ro PCBF hay kaparte it International Federation of BodyBuildng and Fitness (IFBB), ro opisyal nga sport of bodybuilding and fitness nga ginakilaea it Olympic Council of Asia.
