Kadungan it pagdumdum it Nutrition Month, gineksplikar it sangka health expert to mga posibleng rason kun haman padayon nga naga-taas ro mga kaso it mga malnourished.
Suno kay Dr. Philip Ian Prieto Padilla, sangka health expert nga sa pihak it mga tikang nga ginahimo agud mapunggan ro pagiging stunted it mga inunga, padayon ro pagtaas it numero kara.
Pila sigon sa mga rason kara hay ro food insecurity ukon kakueangan sa pagkaon, ag ro pagpreparar it mga ginikanan it bukon it nutritious nga pagkaon para sa mga inunga.
Dugang pa nana, importante man ro balanced diet ukon pag-sunod sa “Platong Pilipino” ag kun sa siin ginakaeakipan raya it mga pagkaon nga eakip sa “Go, Grow, Glow” foods.
Paathag pa ni Dr. Padilla, mabudlay makatuon ro mga inunga kun kueang sa nutrisyon bangud nga uwa nadevelop it maayos ro andang utak tuga it kakueangan sa nutrients.
Ga umpisa sigon ro nutrisyon it mga inunga samtang gina-nabdos pa eamang raya it anang ina kun sa siin daya nga stage ro dapat bantayan pinaagi sa regular nga pagpacheck-up it mga ina.
Pahayag dugang nana, importante nga mag-angkon it kasayuran ro ginikanan eabi eon kun kinahangean pa it giya it andang mga inunga pag-abot sa pag-angkon.
