-- ADVERTISEMENT --
Posibleng pagmultahon ag ma-suspend sa andang mga serbisyo ro mga empleyado it gobyerno nga nakipag-selfie kay Alice Guo.
Raya ro ginpahayag it Civil Service Commission (CSC) matapos mag-viral online ro mga litrato it mga opisyal it Bureau of Immigration ag National Bureau of Investigation kat maaresto si Guo sa Indonesia.
Suno kay CSC Commissioner Aileen Lourdes Lizada, kinahangean sumunod ro mga empleyado it gobyerno sa Republic Act 6713, o “Code of Conduct and Ethical Standards for Public Officials and Employees.”
Kung eabagon nanda raya, pagamultahan ro mga empleyado it gobyerno it indi magsobra 6 nga bueang haega it andang suweldo, o suspendihon it sobra sang dag-on.
