Ginsuhestiyon ni US President Donald Trump sa mga nasyong apektado it kakueangan sa langis nga kanda eon magbakae ukon makipagsapalaran nga mag-agto sa Strait of Hormuz nga nagapabilin gihapon nga sarado bangud sa mandu it Iran.
Sa sangka post sa anang social media account ko Martes, ginpahayag ni Trump nga may daywang tikang nga dapat obrahon ro mga apektadong nasyon para sa andang supply nga langis.
Raya hay ro magbakae it langis halin sa US bangud nga maabu sanda nga supply ukon makaangkon it kabaskog it buot ro mga raya agud nga boe-on ro langis sa Strait of Hormuz.
Ginmitlang ni Trump ro United Kingdom bilang halimbawa it nasyon nga nagpamalibad nga magpasilabot sa mga operasyon kontra sa Iran.
Raya hay pamatuod sigon it naga-grabeng tensyon sa rehiyon kun sa siin importante ro Strait of Hormuz bilang daean it pangkalibutanon nga kalakalan sa langis.
Samtang, ginpahayag ni Trump nga planu eon it Amerika nga tapuson ro giyera sa Iran sa mas madaling tiempo maskin pa nga owa it kasugtanan nga nabilog sa tunga it daywang nasyon.
Sa sangka event sa White House, ginpahayag nana nga posibleng matapos eon ro operasyon sa sueod it daywa hasta sa tatlong domingo samtang nagapadayun ro negosasyon it anang administrasyon sa Iran.
