KALIBO, Aklan —Agud nga malikawan ro spaghetti wiring, igaeubong sa eugta ro mga kable it telecommunication companies sa isla it Boracay sa ginapatigayon nga rehabilitasyon.
Suno kay Department of Public Works and Highways (DPWH)-Aklan district engineer Noel Fuentebella nga ro mga telcos sa isla hay gina eakipan it mga telepono, cable TV ag internet providers.
Nag-umpisa eon sigon nga mag-lay-out it andang mga tubo ro nasambit nga mga telcos, kung siin nagtaeana it color coding nga pagasudlan it andang mga wiring.
Ginpahayag pa ni Engr. Fuentebella nga ro undergrounding hay maghalin sa Cagban, Manocmanoc hasta sa Pinaungon, Balabag ag igabutang sa magtimbang nga linya it karsada.
Ro linya eamang sigon it Aklan Electric Cooperative (Akelco) ro mabilin.
