Balitang Espesyal—— Nagakaubusan eon it puea nga cutex sa mga baealigyaan sa tindahan sa Kalasin province sa Thailand bukon it bangud sa mga kababayin-an ro naga-panic buying kara kundi mga kaeaeakin-an nga nahadlok nga disturbuhon it sangka “widow ghost”.
Ro mga residente it Pu Hong Village sa nasambit nga probinsiya hay nadisturbo matapos ro sunud-sunod nga pagkamatay it limang residente idtu sa sueod eamang it daywang domingo .
Tatlo sa mga raya hay mga kaeaeakin-an nga ro ginkamatay hay bangungot ag naghalin sanda sa sangka pamilya.// suno sa andang Deputy Mayor nga si Pongpipat Pukrongtoong, owa nagapati ro mga residente idtu nga natiempo eamang ro sunud-sunod nga pagkamatay it mga residente nanda bangud sa tan-aw nanda hay himo raya it biyudang moeto nga naga-usoy it eaeaki nga anang maka-ibahan sa pihak nga kinabuhi.
Rason nga mag-eowas sa pagbutang it pueang cutex it mga kaeaeakin-an sa andang mga kuko agud nga pataeangon ro baeo nga moeto nga kuno abi sanda hay mga babaye , nagasab-it man ro mga residente idtu it pueang t-shirt sa andang ugsaran ag may karatula nga nagahambae nga owa it naga istar nga eaeaki idtu .
Suno sa mga residente, owa eon it namatay sa bangungot matapos magbutang it karatula, pueang t-shirt sa andang ugsaran ag pueang cutex sa andang mga kuko.
