KALIBO, Aklan—Puro palaban rason nga owa it itulak-kabigin sa 53 nga mga kandidata it Miss Universe Philippines 2024.
Raya ro ginpahayag ni Maria Edzel Lamparero Lopez, bombo international correspondent ag sangka beauty queen sa Spain.
Suno kana nga deserving ro mga nagdaeaog sa preliminaries partikular sa swimsuit challenge ag sa bag-o eamang natapos nga national costume nga ro tema hay Philippine Flora and Fauna.
Ginpahayag dugang nga ro tatlong nagdaog sa national costume nga sanday Tamara Ocier it Tacloban, Alexie Brooks it Iloilo, ag Jet Hammond it Southern California hay nagpangibabaw bangud nga nakaangkon it “gulat factor” ro andang mga costume.
Kaeabanan suno kana nga nakakasueod sa top 10 hay ro mga nakaangkon it special awards rason nga mabahoe ro chansa it anang tatlong manok nga sanday Stacey Gabriel, Athisa Manalo ag Alexie.
Ro Miss Universe Philippines 2024 hay nakataeana nga pagahiwaton ro coronation event sa Mayo 22 sa Mall of Asia Arena.
Paga-koronahan it reigning Miss Universe Philippines Michelle Dee ro magabueos sa anang trono nga maga-representar it nasyon sa international pageant sa Mexico.
