NATIONAL News — Ginpaabot it Malakanyang nga bukon dapat nga kaibahan ro mga kandidato para sa 2025 elections sa pagahimuon nga distribusyon ag pagbaligya it Department of Agricuture ag National Food Authority (NFA) kabulig ro Local Government Units (LGUs) sa bugas sa balor nga P20 kada kilo.
Ginpahayag ni Presidential Communications Undersecretary ag Palace Press Officer Claire Castro sa press briefing sa Malakanyang nga dapat hay indi makita sa tarpaulin ro itsura it sin-o man nga kandidato.
“Dapat po, hindi po sila involved, dapat nga po ang kanilang mga mukha ay hindi makikita sa mga tarpaulin patungkol po dito. Ang pagbebenta po ng bigas sa halagang P20 kada kilo ay para po sa taumbayan, hindi po para sa mga kandidato,” pahayag ni Castro.
Gindugang pa nga maskin nga owa it direktiba ro Pangueo sa nasambit nga butang hay kumpiyansa si Castro nga makita it Commission on Elections (Comelec) kun magamit it mga LGUs sa pamulitika ro pagbaligya it barato nga bugas bilang election season makaron ag ro pagkabaeaka nga basi may pilang mga kandidato sa lokal nga gobyerno ro magapanipueos sa pagbaligya it barato nga bugas.
