KALIBO, Aklan–Padayun ro trabaho it mga katapo it Kalibo Auxiliary Police ukon KAP.
Suno kay Michael Buenaventura, sambilog sa mga KAP striker nga gin-abisuhan sanda nga padayun nga mag-duty bangud nga hasta pa sa june 30 ro andang kontrata sa LGU-kalibo.
Raya hay matapos nga mataeupangdan nga indi masyadong makita ro presensiya it mga KAP member sa mga nagapangunang karsadahon pagkatapos it mayo 9 nga eleksyon kun sa siin napierde si mayor Emerson Lachica.
Posible suno kana nga sa lunes hay uman nga magabalik sa duty ro kaabuan kanda.
Nauna kara, nagpaguwa man it pahayag ro elected mayor nga si Juris Sucro nga owa it maduea-an it trabaho sa oras it anang pagpungko sa pwesto.
Ro pagklaru hay kasunod it mga espekulasyon nga maabu ro maduea-an it trabaho partikular ro mga job orders nga nagatrabaho sa munisipyo.
