KALIBO, Aklan—Kinahangean nga magsunod ro mga kapulisan nga naka assign sa Western Visayas sa mandu nga ginpaguwa ni Regional Director Police Brigadier General Sidney Villaflor it Police Regional Office ukon PRO-6 nga nagabawae kanda nga mag-post it mga content sa TikTok ukon mag-vlog samtang nakasuksok it uniform ag naka duty.
Suno kay PSSgt. Jane Vega, Assistant information officer it Aklan Police Provincial Office ukon APPO nga raya hay bilang pagsunod sa dati eon nga mandu it national headquarters, kun sa siin, ro sin-o man nga pulis nga mapas-eawan nga magsunod sa direktiba hay magapangatubang it nagakaigo nga sanctions.
Tuyo sigon kara nga magapabilin ro trust and confidence sa kapulisan.
Apang ginklaru ni Vega nga ro ban hay aplikable eamang sa tiempo it work hours, eakip ro pag-upload it mga videos nga nagapakita it kabastusan.
Ginapasugtan man sigon ro mga PNP personnel nga naka assign sa police community relations office.
Sa makaron hay padayun ro ginahimo nga monitoring it PNP sa social media ag pagdisiplina sa mga pasaway nga police officers nga posibleng magapangatubang it kasong administratibo.
