KALIBO, Aklan—Nagpatigayon it Send-off Ceremony para sa deployment sa Kalibo Sr. Sto. Niño Ati-Atihan festival 2023 ro kapulisan agud nga masiguro ro kalinong ag kadaeag-an it selebrasyon.
Raya hay ginpangunahan ni Regional Director P/BGen. Leo Francisco, Aklan PPO Director P/Col. Cresaleo Tolentino, Gov. Joen Miraflores ag Mayor Juris Sucro.
Ro 1,500 nga kapulisan hay naghalin sa nagkaeain-eain nga police station sa bilog nga region 6.
Kabilugan nga 1,500 nga miyembro it kapulisan nga naghalin sa nagkaeain-eain nga police sations sa Western Visayas ro ginpakalhit sa banwa it Kalibo.
Kaibahan it mga pulis ro iba pang law enforcement agency ag force multipliers.
Pahayag ni BGen. Francisco nga sa pihak it mga hangkat, ginapasiguro it PNP, AFP ag iba pang natungdan nga ahensiya it gobyerno nga nagapabilin ro andang commitment sa andang trabaho nga masiguro ro kaeowasan it tanan.
Samtang, gindugang pa kara nga sa pihak it andang deployment, pagapatigayunon gihapon ro andang seremonya para sa andang promotion hin-aga nga adlaw it martes, kun s a siin ro andang oath taking para sa next higher rank hay pagahiwaton sa headquarters it Aklan Police Provincial Office imbes nga sa lugar it andang assignment.
Kadungan kara, nag apela imaw sa mga kapulisan nga pirmeng maging alerto ag likawan ro paggamit it cellphone samtang naka-duty.
Nag-paandam pa imaw nga magapangatubang sa penalidad ro sin-o man nga nadakpan nga nagapabaya.
