KALIBO, Aklan—Matapos ro ginhimo nga pagpameke it limang turista sa andang RT-PCR tests result, naka-alerto makaron ro mga otoridad sa isla it Boracay.
Gin-engganyo ni Aklan police director Col. Esmeraldo Osia, Jr. ro mga turistang sumunod sa ginapatuman nga health protocols ag laye agud nga makalikaw sa kaso.
Nagpagguwa eon ro Department of Health (DOH) it listahan it mga Covid-test laboratories para maging madali ro pag-countercheck kung peke ukon bukon ro andang daeang dokumento.
Sa makaron hay amat-amat eon nga naga-abo ro mga bakasyunista sa Boracay makaron nga Kapaskwahan.
Base sa datos it Municipal Tourism Office, umpisa Disyembre 1 hasta 19, 2020, nag-abot eon sa 6,385 ro mga turistang nagbakasyon sa isla, kun siin, NCR ro may pinakamaabo nga numero nga 4,853.
