Gustong paimbestigahan ni Aklan second district representative Teodorico Haresco ro nakaabot sa anang inugtaeopangod angot sa Municipal Ordinance No. 453 ukon Wearing of Facemask sa banwa it Malay partikular sa isla it Boracay.
Ginsambit ni Haresco sa ginpatigayon nga press conference ko kan-o eamang angot sa modus sigon it mga kapulisan nga nagapangsita sa mga uwa nagasuksok it facemask partikular sa mga turista kon siin gina-imponeran ro mga raya it citation ticket nga nakabaehag ro haega it andang penalidad.
Suno kana, gusto nana nga dueaon ro polisiya nga hukson eamang ro facemask kon naka-eosong eon sa tubi ukon naga-eangoy eon sa dagat.
Ginkutana man kara kon man-uno it eayo ro distansya sa baybayon antes nga pwede eon mahukas ro suksok nga facemask.
Sa makaron sigon nga amat-amat eon nga nagainabo ro mga turista sa Boracay hay dapat inde raya paghimuon nga gimmick it mga kapulisan bangud nga ro pagdagsa it turista hay nagapatimaan sa uman nga pagbuhi it ekonomiya.
