Maabung saeakyan nga kakarag-karag ag dispalinghado ro preno apang ginapasugtan sa gihapon nga magbiyahe sa karsada.
Ro mga makarondaya nga saeakyan ro paeag sa kaeowasan it mga kaparehong motorista ag pasahero.
Ro mga bulok nga saeakyan ngara ro rason it makangieidlis nga aksidente rason nga indi eon dapat nga ginapasugtan nga magbiyahe.
Sangka makangieidlis nga aksidente eon man ro natabu ko lunes it agahon sa Brgy. Aga, Nasugbo, Batangas.
Waeo ro namatay kat banggaan ag kaladkaron it karag-karag nga dump truck ro sangka Mitsubishi Xpander.
Ro dump truck nga may kargang baeas hay halin sigon sa Pampanga.
Nag-overtake ro truck sa sangka saeakyan samtang nagapa-eusong ag naduea-an it preno.
Ginbungguan ro kasubeang nga SUV.
Sa kabaskog it impact ginkaladkad ro SUV ag nadaeahig pa ro sangka motorcycle rider.
Pagkatapos banggaon ro SUV ag motorsiklo, ginbungguan pa ro sangka food stall sa kilid it highway.
Patay ro tanan nga bilog nga pamilya nga sakay it SUV ag pati ro motorcycle rider.
Halin sa reunion ro pamilya kat matabu ro trahedya.
Suno sa driver it dump truck, naduea-an it preno ro anang truck ag owa nalikawan ro SUV.
Nagpangayo imaw it tawad ag aksidente sigon ro natabu.
Bukon eamang it mga lumang truck ro naeakot sa makangieidlis nga aksidente kundi pati mga lumang bus nga ginapasada pa ag ginakitaan pa it mga tag-ana maskin nga dispalinghado ro preno.
Ro mga nagakatabu nga trahedya hay mauman pa kon indi mag-instrikto ro Land Transporation Office (LTO) ag maskin ro Land Transportation, Franchising and Regulatory Board (LTFRB).
Indi eon irehistro ro mga lumang truck ag bus agud nga malikawan ro makangieidlis nga trahedya.
