KALIBO, Aklan—Gin-umpisahan eon it pagguba ro center island nga makit-an sa Roxas Avenue sa banwa it Kalibo.
Raya hay kasunod sa igabutang nga bike lane nga proyekto sa idaeom it Department of Public Works and Highways ukon DPWH ag Department of Transportation ukon DOTr.
Madumduman nga naging bisita sa Aklan si DOTr Secretary Jaime J. Bautista kon sa siin ginpangunahan nana ro groundbreaking ceremonies it daywa ka mga proyekto nga ginakaeakipan it Expansion of Active Transport Infrastructure Project ag ro Kalibo Airport Resettlement Project.
Ro Expansion of Active Transport Infrastructure Project hay nakasentro sa mas manami nga commuting options para sa publiko kaparehas sa pagbutang it mga bike lanes sa pila ka mga nagapangunang karsadahon sa banwa it Kalibo nga makabulig sa seguridad it mga siklista ag maayos nga daeagan it trapiko.
