Kalibo Aklan ——Bantay-sarado eon it mga pulis ro mga daeanon paagto sa ginadayo nga mga cherry blossom trees sa Wahington D.C. agud nga malikawan ro pagbuhos it mga tawo sa atubang it paeag it coronavirus pandemic.
Suno kay Bombo International Correspondent Georgelina Fountain, tubong Numancia, Aklan nga tigbueu-eak makaron it cherry blossom sa Capital it District of Columbia rason nga ginpasarado anay ro mga nagapangunang karsada, tulay ag traffic circles bilang precautionary measure.
Bangud nga nakapaidaeum sa Community Quarantine ro andang lugar, ginmanduan sanda nga magtinir sa sueod it baeay kon owa man lang it importanteng paeanawon .
Bawae man ro mga public gatherings ag gin-abisuhan ro publiko nga mag distansiya it kapin sa 6 feet sa kada isaea agud nga matapna ro mas pang pagkalhit it sakit .
Maskin ro pilang estasyon it andang metro system maeapit sa ginadayo nga Jefferson Memorial ag Tidal Basin hay ginsarado agud nga malikawan ro pagbuhos it maabu nga tawo.
Sa makaron hay nakalista eon it 800 nga kumpirmadong kaso it COVID-19 sa Washington DC ag sambilog ro patay nga sangka 59 anyos nga eaeaki .
