KALIBO, Aklan — Gin dagsa it mga manugtan-aw ro paghataw it mga katutubong Aeta sa Aklan sa unang adlaw it Ati-Atihan Festival 2018.
Haeos jam packed ro festival zone bangud sa pag umpisa it magkaeain-eain nga aktibidades para sa sang dominggong selebrasyon.
Nagpakitang gilas ro mga Aeta pinaagi sa andang katutubong saot suksok ro malong ag iba pang costume.
Suno kay Kalibo Sto. Nino Ati-Atihan Festival Inc. (Kasafi) Chairman Albert Menez, gina tantiya nga naga abot sa100 ro katutubo nga puros naghalin sa Ati community sa Barangay Bulwang, Numancia ro nakipagbahin nga gina eakipan it mga dancers ag tagatugtog gamit ro mga kawayan.
Nauna kara, gin suhestiyon ni Professor Sharon Masula it Aklan State University-Ibajay campus nga taw-an it kahigayunan ro mga Aeta sa dag-unan nga festival base sa anang gin himong research hanungod sa pangabuhi it mga katutubo.
Mabahoe nga bagay sigon raya sa Ati-Atihan festival nga gin bansagang “Mother of All Philippine Festivals.”
Samtang, sa pihak nga inuean it batikos maghalin sa mga netizens, nag abot eon sa banwa it Kalibo ro kontrobersiyal nga si Xander Ford.
Magiging guest performer ro internet celebrity makaron nga gabie sa coronation night it Ati-Atihan Festival King sa Magsaysay Park.
Gin klaro it festival organizer nga ro kilaeang bottling company nga sponsor it event ro nagbayad sa talent fee ni Ford.
