KALIBO, Aklan—Matapos nga magpatuman it rollback sa presyo it petrolyo ko nagtaliwan nga dominggo, uman nga nag-anunsyo ro mga kompaniya it langis nga maga-patuman sanda it oil price hike nga epektibo umpisa makaron nga adlaw it Martes.
Suno kay Alex, sangka jeepney driver nga may biyaheng Tangalan-Kalibo vice versa nga malisod para kanda nga mga tsuper ro sigidas nga pagtaas sa presyo it kada litro it gasolina partikular sa mga naga-boundary.
Sa kamatuoran suno kana hay haeos P150 eon lang ro andang gina-uli nga kita sa andang pamilya halin sa bilog nga adlaw nga pagpasada.
Nagaeaum sigon sanda nga makahimo it nagakaigo nga aksyon ro gobyerno para mapunggan ro padayun nga pagsipa sa presyo it langis sa merkado.
Nagakabaeaka sigon sanda engkaso nga magpadayun pa ro presenteng sitwasyon hay mabahoe ro posibilidad nga malugi ro kapareho nana nga driver.
