KALIBO, Aklan — Naga kabaeaka ro mga konsumidor it Aklan Electric Cooperative (Akelco) sa pagtaas it sukot sa kuryente bangud sa nakataeanang pagpasara sa isla it Boracay.
Gin pahayag ni Akelco General Manager Alexis Regalado nga gina boebanta nga P1.59 bawat kilowatt hour ro iga taas nga panueoktan sa kuryente.
Maga kinahangean it masobra sa P82-million para sa relocation it andang mga poste sa paga hiwaton nga road widening ukon pagpaeapad it karsada nga paga umpisahan eon makaron.
Mag eowas kara, naga abot sa P103-million ro maduea sa andang target collections, kun siin ro Akelco hay may power purchase agreement sa ap-at nga power generators para sa 42 megawatts nga andang pagabayaran, na-konsumo man ukon owa.
Ro Boracay ro may pinakamabahoe nga kontribusyon sa kooperatiba.
Gin pamilit it general manager, ro pass-on sa mga consumer ro nakikita nandang opsyon agud mapun-an ro andang lugi.
Sa pihak nga parte, makikipagnegosasyon eon sigon sanda sa mga independent power producer it Akelco agud panabaan ro andang rate.
Engkasong magpasugot, P0.0162 eon lang ro igataas nanda.
Gin pasiguro pa ni Regalado nga bastante sa gihapon ro suplay it kuryente sa isla sa tiempo it closure order.
