Pagatalakayon sa masunod nga dominggo sa impeachment trial ro mga kontrobersiyal nga pangaean nga ginakonekta sa maanomalya sigon nga paggamit it confidential ag intelligence funds (CIF) ni Vice President Sara Duterte, kaibahan ro “Mary Grace Piattos” ag “Milky Sikuya.”
Suno kay House Prosecutor Terry Ridon, uman nga igabulgar ro mga pangaean nga nakabaton sigon it confidential funds bilang parte it Article I it Articles of Impeachment, kaibahan ro mga ebidensiyang naga-suport sa alegasyon.
Iga-dihon man it prosecution panel ro mga report it Philippine Statistics Authority (PSA), nga nauna eon nga naghambae nga uwa it rekord ukon birth records para sa nasambit nga mga pangaean sa andang database.
Unang nageutaw ro mga kontrobersiyal nga pangaean sa mga acknowledgment receipt nga ginamit bilang suporta sa liquidation it confidential funds it Office of the Vice President (OVP) ag Department of Education (DepEd) sa tyempo it pagdumaea ni Duterte.
