Kadungan it pagsueod it ‘ber’ months, nagpaandam eon ro kapulisan sa pag-abu it kriminal.
Angot kara, magapakalhit ro Philippine National Police (PNP) it dugang nga personnel sa mga shopping malls ag iba pang public places partikular eon sa mga crime-prone areas.
Maga-deploy it mobile forces ag miyembro it elite force, ro Special Action Force (SAF).
Ginmanduan man ro mga district directors agud nga makipag-angot sa mga barangay officials agud nga tumuron ro mga lugar nga dapat pabaskugon pa ro presensya it kapulisan.
Maskin nga nagnaba ro index crimes sa mga unang adlaw it pagpanerbisyo it administrasyong Marcos, indi kita dapat makampante ag magpabaya.
Nakabantay eamang ro mga maeian nga elemento nga mas pang ginpa-grabe it ilegal nga droga.
Rason nga ginapadumdum nga bantayan naton ro kada isaea.
Pirmeng sayuron it mga ginikanan kon siin ro andang mga unga, kun sin-o ro pirmeng mga kaibahan , ag ro mga unga dapat nga indi man maging pasaway.
Magbuylog kita sa pagpabilin it kaayusan ag kalinong.
Raya eon ro pinakamanami nga amot sa sosyudad, ro indi kita magpasaway.
Ag engkaso nga may mataeupangdan nga mga paeag sa atong kaeowasan, insigidang ipahisayod sa mga awtoridad.
Kita-kita man ro magabueuligan sa magabilog it sangka masadya, malinong ag bugana nga komunidad.
