Nag-umpisa it buhos ro mga Katoliko nga gustong makit-an ag magtao it respeto sa ulihing kahigayunan sa nagtaliwan ngna dating Pope Benedict XVI para sa public viewing kara sa Vatican.
Apisar nga gabi-e eon hay naga-umpisa sa gihapon it pila ro publiko sa may St. Peter’s Square.
Bukas sa publiko ro lamay ni Pope Benedict XVi sa sueod it tatlong adlaw nga nakahamyang sa sangka open casket sa St Peter’s Basilica kung siin pagapasugtan ro publiko nga makit-an ro Santo Papa hasta alas-7 kada gabi-e.
Ginpatigayon ro funeral sa St. Peter’s Square antes daehon ro bangkay it Pope Emritus sa eubungan kara sa idaeom it Basilica.
Pagapangunahan ni Pope Francis ro funeral sa adlaw it huwebes nga unang kahigayunan nga iga-eubong ro dating Santo Papa it ana nga successor.
Una kara, nagpaguwa ro Vatican it litrato it bangkay it nagtaliwan nga santo papa kung siin ginsuksukan raya it pueang papal mourning robes ag nakasuksok it gold-trimmed mitre.
Gina-eauman man ro pagbuhos it tributes maghalin sa nagakaeain-eain nga mga nasyon.
