KALIBO, Aklan—Ginklaru ni Ma. Cristina del Rosario, Senior Research Specialists it Bangko Sentral ng Pilipinas ukon BSP Roxas nga pwede pang mabayluhan it mga bangko ro mga kwartang may samad.
Apang gina insister sigon nanda ro ginatawag nga clean note policy sa kwarta.
Ginabaton sigon ro mga kwartang samad basta nga makapasar pa raya sa minimum requirements nga kabahoe, una pa ro mga security features ag owa ginhungod ro pagkasamad it kwarta hay pwede pa raya nga bayluhan.
Ginataw-an suno kana it importansiya it BSP ro pag angkon it embedded security thread mag-eowas kon raya hay nasamad bangud sa sunog, tubi, kemikal ukon ginkaon it anay ukon ginkitkit it mga eanggam.
Owa nanda ginabayluhan kon ro mga security thread hay hungod nga ginbo-oe.
Makabig suno kana nga eabag sa laye ro pagsamad sa peso bills ag maskin sa mga sinsilyo.
Indi sigon raya pwedeng yukuton, i-stapler ag maskin ro pagsueat kara it maskin anu-ano.
