KALIBO, Aklan—Gin-insister ni Atty. Janmar Barrios it Barrios Law Firm nga importante sa gihapon nga masayuran it mga Pilipino eabi eon it ulihing henerasyon ro mga leksyon nga gin-aywan it EDSA People Power Revolution.
Suno kana nga importante nga madumduman ro mga natabu sa atong kasaysayan agud nga indi eon mauman ro nagtaliwan.
Ro importante sigon makaron hay sayud eon it publiko kon ano ro ginpakigsukoe kato para sa mas mabakod ag hilway nga nasyon.
Nagkaantigo sigon ro mga pumueuyu sa pagtau it importansiya sa atong demokrasya, hilway nga pagpahayag , kahilwayan, respeto ag pagkaeasugot sa pihak it magkaiba nga mga pagpati.
Makaron nga adlaw hay ginaselebrar ro ika-39 nga anibersaryo it EDSA people power revolution nga nagpabagsak kay dating President Ferdinand Marcos Sr., bangud sa gina alegar nga anomaliya ag pagpanipueos sa pondo it gobyerno.
