KALIBO, Aklan—Kadungan sa selebrasyon it ika-36 nga anibersaryo it EDSA People Power Revolution makaron nga adlaw, uman nga gin engganyo ni Atty. PlaridelMmorania, sangka batikang abogado sa Aklan ro mga pumueuyu nga balikan ro mga leksyon it pag-alsa it mga tawo.
Ro okasyon suno kana hay importanteng parte it kasaysayan bangud sa ginpakita nga kaisog it mga Pilipino nga magpanindugan para sa kahilwayan, tawhanong kinamatarung ag demokrasya.
Gindugang pa ni Atty. Morania nga gindayaw kato it bilog nga kalibutan ro ehemplo it Pilipino nga nagpatigayon it malinong nga rebolusyon agud nga sikwayon ro kinagamo, korupsyon, ag pagpang-abuso sa gahum sa tiempo it martial law sa idaeum it diktadurya ni Ferdinand Marcos Sr.
Kadungan kara, ginpadumdum nana ro mga botante nga magpili it mga masaligan nga kandidato sa paeaabuton nga eleksyon.
Pwede suno kana nga patag-uran ro ten commandments ag taw-an it puntos ro do not kill, do not steal ag do not lie.
Raya suno kana ro mga criteria nga pwedeng i-apply sa pagpili it masunod nga maging lider it Pilipinas.
