KALIBO, Aklan—Uwa it dapat kabaeak-an ro mga Libacaonon kasunod sa engkwentro nga nag-eontad sa tunga it tropa it Armed Forces of the Philippines ukon AFP ag mga rebeldeng grupo it New Peoples Army ukon NPA sa Sitio Itabag, Brgy. Manika, Libacao.
Raya ro ginpasiguro ni Libacao Mayor Charito Navarrosa kon sa siin mabahoe eon ro pinagbag-o kon ikumpara ko mga nagtaliwan nga dinag-on.
Ginpahayag dugang nga uwa it kahawagan ro mga pumueoyo bangud nga may mga ginahimo man nga tikang ag programa ro lokal nga gobyerno apang uwa nanda ginapangunahan ro PNP ag AFP kundi nakasuporta eamang sanda.
Nahinun-anon eon man sigon nana ro mga barangay kapitan it Brgy. Manika ag Dalagsaan kon sa siin uwa man imaw it nakit-an nga problema.
Panugyan eamang nana sa tanan nga maging bukas sa komunikasyon engkaso nga may mataeopangdan nga mga makadueoda nga tawo ag insigidang magreport sa mga natungdan agud nga insigidang maaksyunan.
