Kalibo Aklan———Sangka Executive Order ro ginpaguwa ni Aklan Governor Florencio Miraflores nga nagapahayag nga uman eon man nga ginapasugtan ro pagpa-uli it mga locally stranded individuals ukon LSIs sa probinsiya it Aklan sandig sa rekomendasyon it National Inter-agency Task Force against COVID-19.
Apang hugut nga ginpadumdum ni Governor Miraflores nga dapat nga siguraduhon it mga LSI’s nga kumpleto ro andang mga daeang dokumento antes nga magbiyahe.
Kaibahan kara ro medical certificate, travel authority ag certificate of acceptance .
Ginpaathag it opisyal nga ro medical certificate hay nagapamatuod nga owa it coronavirus disease 2019 (COVID -19) ro sangka LSI ag bukon man it kaibahan sa mga suspected case samtang ro travel authority hay nagapakita nga ginapasugtan raya nga makabiyahe ag ro certificate of acceptance hay nagapamatuod nga ginabaton raya it banwa nga anang gina-ulian .
Posible sigon nga maging rason it pagka-delay it biyahe ro kakueangan it mga nasambit nga requirements.
Ginduea eon suno kana ro negatibong resulta it RT-PCR test sa mga LSI bangud nga medyu mahae raya.
Ro mga LSI hay obligadong magpaidaeum sa daywang domingo nga home quarantine.
Engkaso nga makaangkon it sintomas hay igapaidaeum sa swab test.
