Kalibo Aklan ———Ginkumpirma ni Ibajay Mayor ag League of the Municipalities of the Philippines (LMP)-Aklan Chapter President Jo-en Miraflores nga padayun nga ginapasugtan nga maka-uli sa probinsiya ro mga stranded nga Locally Stranded Individuals (LSIs).
Apang suno kay Mayor Miraflores nga dapat nga siguraduhon it mga raya nga kumpleto ro andang mga daea nga dokumento antes nga magbiyahe pauli.
Raya hay matapos nga ginapasugtan eon nga makabiyahe ro mga travelers halin sa General Community Quarantine (GCQ) areas paagto sa mga lugar nga una sa MGCQ kapareho it Aklan .
Ro kinahangean sigon nga dokumento hay ro negatibong resulta it RT-PCR tests, QR code ag S-Pass.
Mas mayad man sigon nga makipag-angot anay ro mga maga-uli sa andang natungdan nga mga munisipyo agud nga maabisuhan it mga dapat nga obrahon.
Kon may kahigayunan suno kana nga maka-uli hay mag-uli eon bangud sa pabag-o bag-o nga ginapatuman nga quarantine classifications sa kada probinsiya.
