KALIBO, Aklan—Agud malikawan ro pagkaangkon it saea nga impormasyon, uman nga nagpadumdom si Executive Assistant to the Mayor Mr. Basil Tabernilla sa pamilya it mga locally stranded individuals ukon LSI’s nga gustong mag-uli sa probinsya it Aklan.
Ginpaathag kara nga sandig nga excutive order no. 36-A nga ginpaguwa ag ginpermahan ni Aklan Governor Florencio “Joeben” Miraflores nga dapat magsumite it nagakaigo nga dokumento ro mga gustong maga-uli sa probinsya.
Raya hay ginakaeakipan it barangay certificate maghalin sa lugar nga ginahalinan, medical certificate maghalin sa city health office it munisipyo nga presenteng gin-istaran, travel authority maghalin sa Philipine National Police, acceptance letter it receiving barangay ag LGU acceptance.
