Kapin sa 821 ka mga indibidwal ro nakataeana nga magbueo it civil service examination sa maabot nga adlaw it Dominggo, Hunyo 19 it presente nga dag-on.
Suno kay Leo Jamorin, provincial director it Civil Service Commission ukon CSC-Aklan, ro career examination pen and paper test sa parehong professional ag sub-professional level hay igapatigayon sa Kalibo Pilot Elementary School.
May kaangtanan kara, gin-abisuhan ni Jamorin ro mga examinees nga pwede eon nanda masikyar ro adang school of assignment sa website ag facebook page it CSC Aklan field office.
Engkaso sigon nga may mga pangutana pa ro mga raya hay pwede nga magtawag sa andang taeatapan agud nga magiyahan.
Ginpahayag dugang nga bukas ro nasambit nga eskwelahan sa adlaw it Sabado agud nga personal nga makit-an it mga raya ro andang kwarto nga pagaboe-an it examination sa adlaw it Dominggo.
