KALIBO, Aklan–Balik eon sa normal ro pagpangabuhi it mga pumueoyo sa rehiyon it Hong Kong.
Suno kay Bombo International Correspondent Marylou Bautista Borra nga haeos nagapang-gutok eon ro mga sueod it mall ag parke bangud sa kaabu it mga tawo nga nagapamasyar.
Maskin ro mga Overseas Filipino Worker (OFW) suno kana hay ginpasugtan eon ro -angkon it day off.
Buot hambaeon kara hay pwede eon sanda nga makaguwa para magpamasyar kaibahan ro iba pang mga Pinoy ag kaabyanan.
Makabig sigon nga haeos kontrolado eon it gobyerno ro sitwasyon it COVID-19 sa Hong Kong apisar nga padayun gihapon sanda nga nakakalista it mga bag-ong kaso.
Sa pihak kara, nagapabilin gihapon nga mandatory ro pagsuksok it face mask ag paglimita sa mga pagtililipon it hasta ap-at nga katawo.
