NATIONAL News — Matapos nga bisitahon ro pilang lugar nga nadaeasa it bagyo, ginpamilit ni Pangueong Rodrigo Duterte nga dapat magbayad ro mga industrialized country ukon mga manggaranon nga mga nasyon nga sa likod it mabahoe nga carbon emissions bangud sa kahalitan nga ginatuga it climate change.
Sa anang Talk to the People kahapon, gin-insister ni Pangueong Duterte nga kaibahan ro Pilipinas sa mga nagasaeap sa polusyong ginatuga it mga manggaranon nga nasyon.
Aminado ro Pangueo nga ko una hay bukon imaw it kumbinsido nga may una nga climate change hasta nga naexperiensiyahan nana mismo ro maabung bagyo sa Davao nga kato hay kon amat eamang gina-agihan it bagyo.
Sa pihak kara, owa gintumod it punong ehekutibo kun anong mga nasyon ro dapat nga magbayad sa Pilipinas it danyos perwisyos.
