Mga mangingisda, padayun nga nagakuliit bangud sa mataas nga presyo it petrolyo

KALIBO, Aklan–Padayun nga nagakuliit ro mga ordinaryong mangingisda bangud sa kawad-an it kita tuga it mataas gihapon nga presyo it petrolyo.

Apisar nga may ginpatuman nga rollback makaron nga adlaw it Martes, nagapabilin nga bukon gihapon raya it bastante.

Suno kay Jorge Mandriguez nga sambilog ro andang sektor sa pinaka-grabeng naapektuhan it sunod-sunod nga pagtaas it petrolyo.

Haeos ro andang kita sigon hay sakto eamang sa pagpatayon it krudo.

Naga-abot sigon sa 220 liters ro andang nakukunsumo kada nagapaea-ot.

Dugang pa kara nga sang beses eamang sa sang dominggo kung sanda hay magpangisda.

Gin-aku man ni Mandriguez nga indi eon nanda masaragan ro masyadong mataas nga presyo it mga baeak-eon.