Kalibo, Aklan-Pagpakigbahin ni Eduardo Jarino residente ag nagapanguna sa asosayon it mangunguma ag mangingisda sa Bataan nga bukon sigon it apektado ro Morong, Bataan sa nasambitan nga oil spill halin sa Motor Tanker (MT) Terranova.
Apang, imaw sigon hay nagkabaeaka sa mga mangingisda bangud nga mahimo raya kumalat. Suhestiyon nana nga dapat may kabaeaka sa mga makaraya ag maghimo it pamaagi para mabueo ro nasambitan nga langis. Hinyo ni Jarino sa gobyerno ag mga natungdan nga taw-an it bastante nga atensyon ro nasambitan nga problema.
Kun indi sigon mabueo ro langis hay mahimo raya magkalat sa Zambales. Nagabueoligan man sigon ro mga mataas nga opisyal sa mga apektadong lugar agud macontain ro langis. Indi man masayuran kun siin ro mga sakay it barko ag nagakadapat nga s ayuron kun sino ro tag-ana it barko ag pasabton.
May mga advisory man sigon nga nagahambae nga indi anay magpaeaot it daywang buean. Nasayuran nga nag-eubog ro nasambitan nga barko bangud man sa kabaskugon it Habagat.
