NATIONAL News—Nakahaom ro gobyerno nga magtao it credit ag insurance assistance para sa mga mangunnguma ag mangingisdang apektado it dry spell sa tunga it El Niño phenomenon.
Suno kay Department of Agriculture (DA) spokesperson Arnel de Mesa, nagtaeana ro gobyerno it P500 million pesos nga credit assitance kon sa siin P25,000 pesos ro mabaton it kada apektadong mangunguma ag mangingisda samtang kapin sa P1.8 billion pesos ro para sa insurance claims kon sa siin tig-P20,000 pesos ro igapanupod.
Mag-eowas kara, ginpaspasan eon man it ahensya ro pagpanupod it P5,000 pesos nga bulig pinansiyal para sa mga rice farmer ag P3,000 nga fuel subsidy para sa mga mangunguma ag mangingisada sa idaeom it pambansang pondo.
Base sa ulihing datos halin sa Department of Agriculture, nagahampak eon sa P357.4 million pesos ro halit sa sektor it agrikultura.
