KALIBO, Aklan—Ginpasaeamatan it natungdan nga asosasyon it mga mangunguma ro pagpagguwa it tubi it National Irrigation Administration ukon NIA sa Eastern side it irrigation system it Aklan.
Ginpahayag ni Punong Barangay Gil Morandante it Tigayon, Kalibo nga nagpadaea sanda it request sa Sangguniang Panlalawigan agud mataw-an it daean ro andang hinyu.
Raya hay matapos nga maabo nga mangunguma ro nagaproblema bangud sa pagmaea it andang kaeanasan tuga it kawad-an it tubi.
Base sa naging resulta it ginpatigayun nga pueong ko buean it Agosto, ginpahayag ni Morandante nga nagpasugot ro NIA nga magpagguwa it tubi hasta Setyembre 25 ag posible pa rayang mapaeawig hasta katapusan it buean kung indi makaangkon it uean.
Mag-eowas kara, ginakalipay man sigon nanda ro proyekto it gobyerno partikular ro ginpa-ubra nga dam bangud mabahoe raya nga bulig para sa pangabuhian it mga local farmers.
